, 
Талибан Ауғанстанда валюта айналымына тыйым салды
«Талибан» қозғалысы Ауғанстанда шетел валютасын пайдалануға тыйым салатынын мәлімдеді.
Бұл туралы exclusive.kz хабарлайды.
«Талибан» қозғалысының (Қазақстанда тыйым салынған ұйым) өкілдері елде шетел валютасын пайдалануға тыйым салатынын мәлімдеді, - деп жазды Reuters.
Елдегі экономикалық жағдай мен ұлттық мүдделер барлық ауғандардан ауған валютасын пайдалануды талап етеді.
Бұған қоса, Талибан үкіметі елде құрғақшылық пен қолма-қол ақша тапшылығына тап болғандықтан, орталық банктердің шетелдік юрисдикциялардағы резервтеріндегі миллиардтаған долларды босатуды талап етті.
Біріккен Ұлттар Ұйымы жанындағы Азық-түлік және ауыл шаруашылығы ұйымы (ФАО) биылғы жылы құрғақшылық пен егіннің болмауына байланысты 14 миллионнан астам ауған азық-түлік тапшылығын бастан кешіріп, шұғыл гуманитарлық көмекке мұқтаж екенін ескертті.
Еске салайық, «Талибан» қозғалысы Ауғанстандағы билікті 15 тамызда басып алды. Президент Ашраф Ғани елден қашып, отставкаға кетті.
