, 
Илон Маск 2022 жылдан бастап адамға чип орнататынын айтты
Neuralink компаниясының негізін қалаушы Илон Маск эксперименталды маймылдарға нейрочиптерді имплантациялаудың сәтті өткені туралы хабарлады. Миллиардер адамға чип орнатуды келесі жылдан бастауға уәде берді.
Америкалық кәсіпкердің айтуынша, имплантанттар бірінші болып омыртқаның ауыр ауруларымен ауыратындарға салынады. Neuralink қазір АҚШ денсаулық сақтау және халыққа қызмет көрсету департаментінің агенттігінің тестілеуге рұқсатын күтуде.
Айта кету керек, Маск адамдарда нейрочиптерді сынақтан өткізуді екі рет кейінге қалдырды. Бұған миллиардердің жоспарларын бұзған коронавирустық пандемия себеп болды. Алайда, 2022 жылы компания адамдарды чиптеуді бастаса, бұл үлкен жетістік және ғылымдағы серпіліс болады.
Forbes журналының мәліметі бойынша, Илон Маск планетадағы ең бай адамдар тізімінде тұр, оның байлығы 292,6 миллиард доллардан асады. Bloomberg өз кезегінде Маск активтерінің жалпы құнын 311 миллиард доллардан астам деп есептейді.
Қыркүйек айында американдық Time журналы 2021 жылға арналған әлемдегі ең ықпалды 100 адамның дәстүрлі тізімін жариялады. Илон Маск өнертапқыштар санатындағы үздік 100-ге енді.
