, 
Нұрлан Нығматулиннің өкілеттігі мерзімінен бұрын тоқтатылды
Нұрлан Нығматулиннің өкілеттігі мерзімінен бұрын тоқтатылды спикері қызметінен кету туралы өтініш берді.
Мәжілістің жалпы отырысында палата төрағасы Нұрлан Нығматулиннің өкілеттігін өз еркімен босату негізінде мерзімінен бұрын тоқтату туралы қаулы қабылданды.
- «1. Өтініштің берілуіне байланысты Қазақстан Республикасы Парламенті Мәжілісінің депутаты Нұрлан Зайроллаұлы Нығматулиннің өкілеттігі мерзімінен бұрын тоқтатылуына әкеп соғатын негіз басталғаны белгіленсін. 2. Қазақстан Республикасы Парламенті Мәжілісінің депутаты Н.З. Нығматулиннің өкілеттігін мерзімінен бұрын тоқтату туралы ұсыныс Қазақстан Республикасы Парламенті Мәжілісіне енгізілсін, - делінген Қазақстанның Орталық сайлау комиссиясының сейсенбі күнгі қаулысында.
Нығматулин 2016 жылдың маусымынан бастап Мәжіліс спикері болды.
- Бұл әрбір заңнамалық шешім еліміздің одан әрі дамуын алдын ала айқындап берген өте оқиғалы, жауапты кезең болды. Бүгін мен, ең алдымен, Елбасы, «Нұр Отан» партиясының негізін қалаушы Нұрсұлтан Әбішұлы Назарбаевқа шынайы алғысымды білдіргім келеді, қазіргі мемлекет басшысы, партия төрағасы Қасым-Жомарт Кемелұлы Тоқаевқа маған көрсетілген сенім үшін алғыс айтамын. Осы жылдар бойы түрлі саяси қызметтерде жұмыс істегенім үшін мен Қазақстан басшылығының қолдауы мен ықыласын үнемі сезіндім. Осы жылдар бойы еліміздің Парламентінде өз мүдделерін білдіру үшін бізге сенім артқан сайлаушыларымызға, бірлесе атқарған жұмысымыз үшін барлық үш шақырылымның депутаттарына шын жүректен алғыс айтқым келеді, - деді Нұрлан Нығматулин.
