, 
«Қазақстан халқына» қоры өтініштер қабылдауды бастады
«Қазақстан халқына» қоры көмекке мұқтаж қазақстандықтардың өтініштерін қабылдауды бастады.
Қайырымдылық көмекке қалай жүгінуге болатыны туралы қадамдық нұсқауларды «Өтінішті қалай бере аламын» бөлімінен қарай аласыздао. Осылайша, пайдаланушылар автоматты түрде www.atamekenim.kz порталына Қайырымдылық ұйымдарының бірыңғай платформасына жіберіледі.
Өтінішті қарауды өтініш беруші жататын және өтініш беруші мен қор арасындағы өзара іс-қимылды қамтамасыз ету ниетін білдірген халықтың санаттарымен жұмыс істейтін ҮЕҰ жүзеге асырады.
www.atamekenim.kz сайты қайырымдылық ұйымдарының халықпен жұмыс жасайтын алаңы болып табылады.
Сайт eGov.kz электрондық үкімет порталының кейбір мәліметтер базасымен біріктірілген. Алдағы уақытта өтініш берушілердің мәртебесі туралы толық ақпарат алу үшін порталды мемлекеттік және жергілікті атқарушы органдардың барлық қолжетімді деректер базаларымен интеграциялау жұмыстары жүргізілетін болады.
Бүгінгі таңда сайт денсаулық сақтау, білім және ғылым, тұрғын үй, негізгі қажеттіліктер және т.б салаларда жұмыс істейтін 86 қайырымдылық ұйымын аккредитациялады.
Қор аккредиттелген қайырымдылық ұйымдарының саны артады деп күтуде.
Қордың қамқоршылық кеңесі белгілеген әрбір қызметі бойынша демеушілік көмекке жүгінген тұлғалармен және ҮЕҰ-мен өзара іс-қимылдың егжей-тегжейлі ережелерін әзірлеу қажет.
Айта кетейік, өтініштерді қарау үшін Қор қызметінің әрбір бағыты бойынша Сараптамалық комиссиялар құрылады.
Қасым-Жомарт Тоқаевтың бастамасымен құрылған «Қазақстан халқына» қоры қиын өмірлік жағдайға тап болған және қолдауды қажет ететін халыққа денсаулық сақтау мен әлеуметтік қорғау саласында тегін көмек көрсетеді.
Қор мүмкіндігі табыстары мен басқа да жағдайларға байланысты шектелген халық топтары үшін әлеуметтік қызметтердің қолжетімділігін қамтамасыз етуге көмектеседі.
Жеке және заңды тұлғалардың барлық қайырымдылықтары тек ерікті негізде жасалады.
