, 
Тоқаев қаңтар оқиғасының себеп-салдары туралы сұхбат берді
17 ақпанда Қазақстан президенті Қасым-Жомарт Тоқаевтың сұхбаты шығады. Бұл туралы мемлекет басшысының баспасөз хатшысы Берік Уәли Instagram-да хабарлады.
- Ертең, 17 ақпанда, сағат 20:30-да QAZAQSTAN ұлттық телеарнасы Мемлекет Басшысы Қасым - Жомарт Тоқаевтың сұхбатын көрсетеді, - деп жазды Берік Уәли.
Берік Уәли президенттің сұхбат барысында қасіретті қаңтар оқиғасының себеп-салдары мен алдағы уақытта жүзеге асырылатын саяси және әлеуметтік реформалар, Қазақстанның сыртқы саясаттағы серіктестерімен қарым-қатынастарына, қабылдаған шешімдеріне қатысты сауалдарға жауап беретінін айтты.
Сұхбаттың үзіндісі жарияланды. Ол жерден Тоқаевтың "Қазақстан жалғыз ғана отанымыз" деген сөзін байқауға болады.
- Біз үшін жалғыз ғана мемлекет бар, бұл Қазақстан. Бұл біздің қасиетті отанымыз. Басқа отанымыз жоқ, - деді мемлекет басшысы.
