, 
Министр жаңа облыстарға бюджет қалай бөлінетінін айтты
Ұлттық экономика министрі Әлібек Қуантыров облыстарды бөлу кезінде бюджет пен мемлекеттік аппарат қайта қаралатынын айтты.
Министрдің айтуынша, қазір комиссия жұмыс істеп жатыр, жаңа облыстардың шекаралары мен халық саны нақтыланғаннан кейін өңірлердің бюджеттері қайта қаралатын болады. Сонымен қатар, қолданыстағы облыстардың бюджеттері қысқарады, деп атап өтті ол.
- Олардың бюджеті мен штат саны қайта бөлінетіндіктен, қысқартылады. Егер онда шартты түрде қызметшілердің 30 немесе 40 пайызы жаңа облысқа, мысалы, Ұлытауға кетсе, сәйкесінше, бюджеттің 30-40 пайызы сол жерге кетуі керек. Яғни, қайта бөлінеді. Әрине, қолда бар бюджетті сақтаған жөн, бірақ бұл қосымша қаржылық бюджет қаражатын қажет етуі мүмкін, - деді Қуантыров Үкімет отырысынан кейін журналистердің сұрақтарына жауап бере отырып.
Қуантыров жаңа облыстардың пайда болуымен мемлекеттік аппараттың штат санын ұлғайту жоспарланбағанын атап өтті.
Еске салайық, президент Қасым-Жомарт Тоқаев өз Жолдауында елдің әкімшілік-аумақтық құрылымын жетілдіру қажеттігі туралы айтты.
