, 
Ресей Финляндияның НАТО-ға қосылуына қарсылық білдірді
Ресей СІМ Финляндия билігінің НАТО-ға кіруге дереу өтініш бергеніне қатысты мәлімдеме жасады.
- Ресей ұлттық қауіпсіздігіне төнетін қауіп-қатерлерді тоқтату үшін әскери-техникалық және басқа сипаттағы қарсы шаралар қабылдауға мәжбүр болады, - делінген мәлімдемеде.
Ресей СІМ Финляндияның НАТО-ға кіруі осы елдің халықаралық-құқықтық міндеттемелерін, ең алдымен 1947 жылғы Париж бейбітшілік келісімін тікелей бұзатынын айтты.
- НАТО-ның мақсаты айқын - Ресей шекарасына жақындау, біздің елімізге әскери қауіп-қатер үшін тағы бір қаптал құру. Бірақ Финляндия неге өз аумағын Ресей Федерациясымен әскери қарама - қайшылықтың шекарасына айналдырғысы келеді?, - делінген ведомство хабарламасында.
Ресей президентінің баспасөз хатшысы Дмитрий Песков журналистерге Финляндияның НАТО-ға қосылуы Ресейге қауіп төндіретінін айтты.
Песков Финляндия НАТО-ға кіргеннен кейін Ресей қауіпсіздікті қамтамасыз ету үшін қажетті шараларды әзірлеу үшін арнайы талдау жүргізетінін атап өтті.
Барлығы НАТО-ның әскери инфрақұрылымның қалай әрекет ететініне, біздің шекарамызға жақындауына байланысты болады, - деді баспасөз хатшысы.
Фото ашық деректерден
