, 
Ең аз жалақы алатын қызметкерлер кім?
Мәжіліс депутаты Елдос Абақанов үкіметтен орман шаруашылығы қызметкерлерінің жалақысын қайта қарауды сұрады. Оның айтуынша, бұл республикадағы ең төменгі жалақы. Осы және өзге де тармақтармен ол Парламент Мәжілісінің жалпы отырысында Қазақстан Республикасы Премьер-Министрінің орынбасары Роман Склярға депутаттық сауал жолдады.
Бұл туралы exclusive.kz хабарлайды.
Абақанов Қазақстанның орманы аз мемлекеттерге жататынын еске салды.
- Өкінішке орай, бұл шара орман шаруашылығындағы қалыптасқан біртұтас ғылыми-техникалық саясат пен орман шаруашылығын жүргізудің қалыптасқан жүйесінің бұзылуына әкелді. Сонымен қатар, жергілікті атқарушы органның орман шаруашылығы кәсіпорындарын берудегі мақсаттарының бірі орман шаруашылығын облыстық бюджеттерден қаржыландыру арқылы республикалық бюджетке түсетін жүктемені азайту болды. Бірақ бұл шара нәтиже бермеді, өйткені осы уақытқа дейін еліміздің орман шаруашылығы мекемелері жалпы сипаттағы трансферттер есебінен республикалық бюджеттен қаржыландырылады, - деп атап өтті депутат.
Біріккен Ұлттар Ұйымының сарапшылары да жағдайды сараптап, республика орман шаруашылығының жай-күйінде айтарлықтай жаңалық жоқ деген қорытындыға келді.
- Бүгінгі таңда орман күзетшілерінің саны мен орман шаруашылығы кәсіпорындарының материалдық-техникалық жарақталуы бұрынғы деңгейде қалды және бекітілген нормативтік құқықтық актілерге сәйкес келмейді. Орманшылардың жалақысы республикадағы ең төменгі деңгейде қалып отыр. Орман шаруашылығы мекемелері қызметкерлерінің кәсіби білім деңгейін бағалау мамандандырылған білімі бар мамандардың саны небәрі 33 пайызды құрайтынын көрсетеді, оның ішінде жоғары білімі барлар – 10 пайыз, орта білімі барлар – 23 пайызды құрайды, - деді депутат.
Сонымен қатар, әкімдіктер орман шаруашылығын жабдықтаудағы жағдайды әлі түзеген жоқ. Оның пікірінше, Үкімет облыс әкімдіктеріне берілген орман және жануарлар дүниесін қорғау жөніндегі 124 мемлекеттік мекемені Экология, геология және табиғи ресурстар министрлігінің басшылығына қайтаруы керек. Сондай-ақ орман ресурстарын пайдаланудың ресурстық-шикiзаттық принципiнен экологиялық-экономикалық принципке көшу негiзiнде экологиялық орман шаруашылығын қалыптастыруды ескере отырып, орман саясатын қайта қарау қажет.
