, 
Түркістанда асыл тұқымды мал сатып алу үшін 250 млн теңге жымқырғандар ұсталды
Қаржылық мониторинг агенттігінің Түркістан облысы бойынша аумақтық департаментінің қызметкерлері «Қазына» жедел алдын алу шарасы аясында «Сыбаға» мемлекеттік бағдарламасы бойынша бөлінген қаражатты жымқыру дерегінің жолын кесті.
Бұл туралы exclusive.kz хабарлайды.
- Е.Күзенбаев пен Р.Пайсханов «Балабоген-7» ЖШС атынан «Аграрлық несие корпорациясы» АҚ-нан асыл тұқымды мал сатып алуға 380 миллион теңге несие қаражатын алған. Корпорацияға бұл қаражатты Ресей Федерациясынан ІҚМ сатып алуға «Меркит» ЖШҚ шотына аудару туралы жалған құжаттар ұсынылды, - деп хабарлады ҚР ҚМА Баспасөз қызметі.
Бұдан әрі, несие шартының бір бөлігін жабу үшін Түркістан облысы әкімдігінің ауыл шаруашылығы басқармасынан 131 миллион теңгеден астам сомаға мемлекеттік субсидиялар алынды.
585 бас ІҚМ нақты сатып алынған жоқ, жануарларды есепке алу дерекқорына жалған мәліметтер енгізілді. Нәтижесінде 250 миллион теңге жымқырылған және мақсатқа сай пайдаланылмаған.
Соныымен, Р.Пайсханов 6 жылға, Е.Күзенбаев 5 жылға бас бостандығынан айырылды.
