, 
Үкімет басшысы бизнес жұмысына бөгет жасамауды тапсырды
Премьер-министр Әлихан Смайыловтың төрағалығымен Үкімет отырысы өтіп, елдегі санитарлық-эпидемиологиялық жағдай қаралды.
Денсаулық сақтау министрі Ажар Ғиният елдегі санитарлық-эпидемиологиялық ахуалдың нашарлағаны туралы баяндады.
Өңірлерде коронавирус инфекциясы әлі де өршіп тұр. «Сары» аймақта орналасқан Түркістан облысынан басқа барлық өңірлер «қызыл» аймақта.
Смайылов елдегі санитарлық-эпидемиологиялық жағдайды әрі қарай бақылауда ұстауды тапсырды. Сонымен қатар, карантиндік шектеулерді бизнес үшін жеңілдете отырып, қайта қарау тапсырылды.
- Бизнестің жұмысына бөгет жасамай, туындаған проблемаларды бірлесіп шешуіміз керек, - деді Ә. Смайылов.
Фото: primeminister.kz
