, 
Атырауда денсаулық сақтау басқармасы басшысының орынбасары ұсталды
Атыраудағы облыстық денсаулық сақтау басқармасы басшысының орынбасары Нұрқуат Нудин ұсталды.
Денсаулық сақтау басқармасы өкілдері бұл деректі растады, бірақ оның ұсталуы облыстық денсаулық сақтау басқармасындағы қазіргі жұмысына қатысы жоқ екені айтылды.
azh.kz мәліметінше, ол пайдалануға берілмеген әлеуметтік маңызы бар нысандар бойынша орындалған жұмыстардың актілеріне қол қойған.
2021 жылдың сәуір айында тағайындалған Нұрқуат Нудин басқарманың қаржы мәселелеріне жетекшілік еткен.
Айта кетейік, Экономикалық тергеу департаменті әзірге ешқандай мәлімет бере алмайтынын айтты.
