, 
Гурбангулы Бердімұхамедов жас басшыларға жол беру керектігін айтты
Түркіменстанда 12 наурыз күні мерзімінен бұрын президент сайлауы өтеді.
12 ақпан күні Түркіменстанның Орталық сайлау комиссиясы мерзімінен бұрын сайлау өткізу туралы хабарлады. Бұл Президент Гурбангулы Бердімұхамедов жоғары мемлекеттік лауазымнан кетуге ниет білдіруіне байланысты.
- Президент бізге 12 наурызда мерзімінен бұрын сайлауға дайындалуды тапсырды, - деді комиссияның баспасөз хатшысы.
Мерзімінен бұрын Президент сайлауын өткізу күні Бердімұхамедов Парламенттің жоғарғы палатасы – Халк Маслахатаның кезектен тыс сессиясында сөйлеген сөзінде жоғары мемлекеттік лауазымнан кетуге және "жас басшыларға" жол беруге ниет білдіргеннен кейін бір күн өткен соң жарияланды. Айта кету керек, Түркіменстанда соңғы бірнеше жыл ішінде билікті Президенттен оның ұлы Сердар Бердімұхамедовке беру туралы болжамдар айтылып келеді.
