, 
Қызылордадағы атыс: Үш адам қаза тауып, екеуі жарақат алды
Қызылордада атыс кезінде үш адам қаза тауып, екеуі ауруханаға жеткізілді. Қайғылы оқиға 7 мамыр күні кешке болған.
Әлеуметтік желілерде таралған ақпаратқа сәйкес, атыс қала маңындағы Титов ауылында азық-түлік дүкенінің алдында болған. Қаза тапқандардың ең кішісі 26 жаста, ал үлкені 29 жаста.
Облыстық жедел жәрдем станциясының хабарлауынша, оқиға орнында үш медициналық бригада жұмыс істеген.
- Жедел жәрдем келгенге дейін ауыр жарақаттардан үш адам қайтыс болды. Сонымен қатар, 47 жастағы ер адам мен 23 жастағы жас жігіт аяғынан жарақат алды. Зардап шеккендер қалалық ауруханаға жеткізілді, - деп хабарлады ведомствоның баспасөз қызметі.
