, 
Әкімдердің рейтингі жол сапасы бойынша анықталады
Қазақстандағы әкімдердің рейтингін автомобиль жолдарының сапасы бойынша анықтайтын болады. Бұл туралы Үкімет отырысында Индустрия және инфрақұрылымдық даму министрі Қайырбек Өскенбаев мәлімдеді.
- Сонымен қатар, жолдардың сапасын қамтамасыз ету үшін мыңнан астам нормативтік-құқықтық актілер қайта өңделуде және жолдардың сапасы бойынша әкімдердің рейтингін анықтау әдістемесі әзірленді, - деді министр.
Министр "көлік туралы" заң жобасы шеңберінде орындалатын жұмыстардың сапасын бақылауды арттыру мақсатында кепілдік кезеңінде авторлық және техникалық қадағалаудың мердігерлік ұйымдармен тең жауапкершілігі және сапа орталығына көше-жол желісіндегі жұмыстар мен материалдардың сапасына сараптама жүргізу бойынша өкілеттіктер беру енгізілетінін атап өтті.
